விக்ரம் மீது வருத்தத்தில் ரசிகர்கள்...காரணம் இதுதான்..!

 தமிழ் சினிமாவில் முன்னணி நடிகரான விக்ரம் தற்போது கோப்ரா, மஹான் ஆகிய படங்களில் நடித்துவருகிறார். மஹான் படத்தில் அவரது மகன் துருவ் விக்ரமுடன் இணைந்து நடிக்கின்றார்.கார்த்திக் சுப்புராஜ் இயக்கும் இப்படத்திற்கு சந்தோஷ் நாராயணன் இசையமைத்துள்ளார்.

மேலும் கதாநாயகிகளாக வாணி போஜனும், சிம்ரனும் நடிக்க பாபி சிம்ஹா முக்கிய கதாபாத்திரத்தில் நடிக்கின்றார். இப்படத்தின் படப்பிடிப்பு மற்றும் இதர பணிகள் முடிந்து ரிலீசுக்கு தயாராகவுள்ளது.

கடந்த சில நாட்களாக இப்படம் திரையரங்கில் வெளியாகாமல் OTT யில் வெளியாகவிருப்பதாக செய்திகள் உலா வந்தன. ஆனால் ரசிகர்களோ இப்படத்தை திரையில் காணவே ஆசைப்பட்டனர். சமூக வளையதளங்களில் இப்படத்தை திரையில் வெளியிடுமாறும் படக்குழுவிற்கு ரசிகர்கள் கோரிக்கை வெய்துவந்தனார்.

இந்நிலையில் மஹான் படம் நேரடியாக OTT யில் வெளியாகவுள்ளது. 7 SCREEN STUDIOUS சார்பாக லலித்குமார் தயாரிக்கும் இப்படம் வருகின்ற ஜனவரி 26 OTT யில் வெளியாகிறது.இதனைக்கேட்ட ரசிகர்கள் சற்று வருத்தத்தில் உள்ளனர்.

இத்தனைநாள் மஹான் திரைப்படம் திரையரங்கில் வெளியாகும் என்று காத்துக்கொண்டிருந்த ரசிகர்களுக்கு இப்படம் OTT யில் வெளியாவது சற்று ஏமாற்றமாகவே உள்ளது. மேலும் விக்ரம் நடிப்பில் நேரடியாக OTT யில் வெளியாகும் முதல் திரைப்படம் என்பதால் இதுவரை தங்கள் நாயகனை திரையில் பார்த்து கொண்டாடிய ரசிகர்கள் ட்விட்டரில் தங்கள் வருத்தத்தை வெளிப்படுத்தி வருகின்றனர்